منتدى عربى وعربية


منتدى عام يهتم بشئون العرب وهو يعد انطلاقه جديده للعرب ليتم عرض كل شئ بطريقة جديدة ومتميزة
 
الرئيسيةاليوميةالمنشوراتس .و .جبحـثالأعضاءالمجموعاتالتسجيلدخول

إرسال موضوع جديد   إرسال مساهمة في موضوع
شاطر | 
 

 دقائق للطفل فى حضن ابيه وامه لا تقدر بكنوز الارض

اذهب الى الأسفل 
كاتب الموضوعرسالة
احمد سامى
Admin


المساهمات : 74
تاريخ التسجيل : 05/08/2017
العمر : 26

مُساهمةموضوع: دقائق للطفل فى حضن ابيه وامه لا تقدر بكنوز الارض   السبت أغسطس 19, 2017 7:58 pm



ﺍﻟﺰﻭﺝ : ﺍﻟﻮ .. ﺍﻳﻮﺓ ﺍﻧﺎ ﺟﻰ ﻓﻰ ﺍﻟﺴﻜﺔ
ﺍﺟﻴﺐ ﺍﻳﻪ ﻭﺍﻧﺎ ﺟﻰ ؟
ﺍﻟﺰﻭﺟﺔ : ﻭﻻ ﺣﺎﺟﺔ .. ﺍﻧﺎ ﺟﺒﺖ ﻛﻞ ﺣﺎﺟﺔ
ﺍﻟﺼﺒﺢ
ﺍﻟﺰﻭﺝ : ﻃﻴﺐ ﺍﻭﻙ .. ﺍﻧﺎ ﻣﺴﺎﻓﺔ ﺍﻟﺴﻜﺔ
ﻭﺍﻛﻮﻥ ﻓﻰ ﺍﻟﺒﻴﺖ
ﺟﻬﺰﻯ ﺍﻟﻐﺪﺍ ﻋﺸﺎﻥ ﺟﻌﺎﻥ
ﺍﻟﺰﻭﺟﺔ : ﺣﺎﺿﺮ
ﺳﺎﺑﺖ ﺍﻟﺘﻠﻴﻔﻮﻥ ﻭﻧﺴﻴﺖ ﺗﻘﻔﻞ ..
ﻭﻗﺒﻞ ﻣﺎ ﻳﻘﻔﻞ ﺍﻟﺰﻭﺝ ﺍﻟﺴﻜﺔ ..
ﺳﻤﻊ ﺯﻭﺟﺘﻪ ﻭﺍﺑﻨﻪ ﺁﺩﻡ ﺑﻴﺘﻜﻠﻤﻮﺍ ....
ﺁﺩﻡ : ﻫﻮ ﺑﺎﺑﺎ ﻣﺎ ﺳﺄﻟﺶ ﻋﻠﻴﺎ ﻳﺎ ﻣﺎﻣﺎ؟ ..
ﺍﻷﻡ : ﻃﺒﻌﺎً ﻳﺎ ﺣﺒﻴﺒﻰ .. ﺩﺍ ﺑﻴﺤﺒﻚ ﻗﻮﻯ
ﺁﺩﻡ ﺍﻧﺎ ﻋﺎﺭﻑ ﺍﻧﻪ ﻣﺎﺳﺄﻟﺶ ﻋﻠﻴﺎ ..
ﻃﺐ ﻟﻮ ﻫﻮ ﺑﻴﺤﺒﻨﻰ ..
ﻣﺎﻋﻠﻤﻨﻴﺶ ﺍﻟﺸﻄﺮﻧﺞ ﺯﻯ ﻣﺎ ﻃﻠﺒﺖ ﻣﻨﻪ ﻟﻴﻪ؟
ﻛﻞ ﺩﻩ ﻭﺍﻷﺏ ﺣﺎﻃﻂ ﺍﻟﺘﻠﻴﻔﻮﻥ ﻋﻠﻰ ﻭﺩﻧﻪ
ﺭﻛﻦ ﺍﻟﻌﺮﺑﻴﺔ ﻭﻭﻗﻒ ﻳﺴﻤﻊ
ﺳﻤﻊ ﺁﺩﻡ ﺑﻴﻜﻤﻞ ﺣﺪﻳﺜﻪ ﻭ ﺑﻴﻘﻮﻝ ﻟﻬﺎ ..
ﺍﻧﺘﻰ ﻋﺎﺭﻓﺔ ﺍﻟﺴﻨﺔ ﺍﻟﻠﻰ ﻓﺎﺗﺖ ..
ﺍﻭﻝ ﻣﺎ ﺍﻻﺟﺎﺯﺓ ﺑﺪﺃﺕ ..
ﺍﺧﺪﺕ ﺍﻟﺸﻄﺮﻧﺞ ﺍﻟﻠﻰ ﻛﺎﻥ ﺟﺎﻳﻠﻰ ﻫﺪﻳﺔ ﻓﻲ
ﺣﻔﻠﺔ ﻧﺠﺎﺣﻲ.......
ﻭﺭﺣﺖ ﻟﻪ ﻋﺸﺎﻥ ﻳﻌﻠﻤﻨﻰ ..
ﻭﺑﻌﺪ ﻣﺎ ﻋﻠﻤﻨﻰ ﺣﺮﻛﺘﻴﻦ ..
ﺟﺎﻟﻪ ﺗﻠﻴﻔﻮﻥ ﻭﻟﺒﺲ ﻭﻧﺰﻝ ..
ﻭﻟﻤﺎ ﺟﻪ ﻛﺎﻥ ﻧﺴﻰ ..
ﺍﻧﺘﻰ ﻋﺎﺭﻓﺔ ﻳﺎ ﻣﺎﻣﺎ
ﻣﻴﻦ ﺍﻟﻠﻰ ﻋﻠﻤﻨﻰ ﺍﻟﺸﻄﺮﻧﺞ .. ؟
ﺍﺑﻮ ﻫﺎﻧﻰ ﺻﺎﺣﺒﻰ ..
ﻟﻤﺎ ﺷﺎﻓﻨﻰ ﻋﻤﺎﻝ ﺍﺗﺤﺎﻳﻞ ﻋﻠﻰ ﻫﺎﻧﻰ ..
ﻗﺎﻟﻠﻰ ﺗﻌﺎﻟﻰ ﻭﺍﻧﺎ ﺍﻋﻠﻤﻚ ..
ﺍﻷﻡ : ﻃﺐ ﻭﻃﻰ ﺻﻮﺗﻚ ﻋﺸﺎﻥ ﻫﻮ ﺯﻣﺎﻧﻪ
ﺟﻰ ..
ﻛﻞ ﺩﻩ ﻭﻫﻮ ﻋﻤّﺎﻝ ﻳﺴﻤﻊ ..
ﺁﺩﻡ : ﻋﺎﺭﻓﺔ ﻳﺎ ﻣﺎﻣﺎ ﺍﻗﻮﻟﻚ ﻋﻠﻰ ﺣﺎﺟﺔ ..
ﻟﻤﺎ ﺑﺎﺭﻭﺡ ﺍﻗﻌﺪ ﻋﻨﺪ ﻫﺎﻧﻰ ﺻﺎﺣﺒﻰ ..
ﻭﺑﺎﺑﺎﻩ ﻳﻜﻮﻥ ﺭﺍﺟﻊ ﻣﻦ ﺍﻟﺸﻐﻞ ..
ﺍﻻﻗﻰ ﻫﺎﻧﻰ ﻳﻘﻮﻟﻠﻰ ..
ﻣﻌﻠﺶ ﻫﺎﺳﻴﺒﻚ ﺩﻗﻴﻘﺔ
ﻭﻳﺨﺮﺝ ﻳﺴﻠﻢ ﻋﻠﻰ ﺑﺎﺑﺎﻩ ..
ﻭﺍﻗﻌﺪ ﺍﺳﻤﻊ ﺍﻧﺎ ﻣﻦ ﺟﻮﺓ ﺻﻮﺕ ﺑﺎﺑﺎﻩ ..
ﺣﻀﻦ ﻫﺎﻧــــــﻰ ﻓﻴﻴﻴﻴﻴﻴﻴﻦ؟ ....
ﺣﻀﻦ ﻫﺎﻧﻰ ﺍﻫﻮﻭﻭﻭﻭﻭ ..
ﻭﺍﻻﻗﻴﻪ ﺩﺍﺧﻞ ﺍﻻﻭﺿﺔ ﻳﻜﻤﻞ ﻟﻌﺐ ..
ﺑﺲ ﺑﻴﺒﻘﻰ ﺩﺍﺧﻞ ﻭﺑﺎﺑﺎﻩ ﺷﺎﻳﻠﻪ ..
ﺍﻟﻜﻠﻤﺔ ﻫﺰﺗﻪ ﺟﺪﺍً ﻭﻫﻮ ﻗﺎﻋﺪ ﻓﻰ ﺍﻟﻌﺮﺑﻴﺔ ..
ﻣﺎﻣﺘﻪ ﺍﺧﺪﺗﻪ ﻓﻰ ﺣﻀﻨﻬﺎ ﻭﻗﺎﻟﺖ ﻟﻪ ..
ﻣﺶ ﺍﻧﺎ ﻛﻞ ﻳﻮﻡ ﻟﻤﺎ ﺑﺘﺮﺟﻊ ﻣﻦ ﺍﻟﻤﺪﺭﺳﺔ ..
ﺑﺎﺧﺪﻙ ﻓﻰ ﺣﻀﻨﻰ ..
ﻭﻫﻨﺎ ﺳﻤﻊ ﺍﻟﻜﻠﻤﺔ ﺍﻟﻠﻰ ﻓﺘﺤﺖ ﺳﻴﻮﻝ ﺩﻣﻮﻋﻪ
..
ﻭﻫﻮ ﻟﺴﺔ ﻗﺎﻋﺪ ﻓﻰ ﺍﻟﻌﺮﺑﻴﺔ ..
ﻗﺎﻝ ﻟﻬﺎ ﻳﺎ ﻣﺎﻣﺎ .. ﺍﻧﺎ ﺟﻌﺎﻥ ﻟﺤﻀﻦ ﺑﺎﺑﺎ ..
ﻗﺎﻟﺖ ﻟﻪ .. ﻳﺎ ﺁﺩﻡ ﺑﺎﺑﺎ ﺑﻴﺮﺟﻊ ﻣﻦ ﺷﻐﻠﻪ
ﺗﻌﺒﺎﻥ
ﻗﺎﻝ ﻟﻬﺎ .. ﻋﺎﺭﻑ .. ﻭﺑﻴﺒﻘﻰ ﺷﺎﻳﻞ ﺣﺎﺟﺎﺕ
ﻛﺘﻴﺮ
ﻭﺑﻴﺪﺧﻞ ﻳﻜﻤﻞ ﺷﻐﻞ ﻭﺗﻠﻴﻔﻮﻧﺎﺕ ﻓﻰ ﺍﻟﺒﻴﺖ ..
ﻋﺎﺭﻑ ..
ﺳﻜﺖ ﺁﺩﻡ ﻷﻥ ﻫﻮ ﺩﺍ ﺍﻟﺮﺩ ﺍﻟﻤﻌﺘﺎﺩ ..
ﻃﺐ ﺍﻧﺎ ﻫﺎﺧﺪ ﻣﻮﺑﺎﻳﻠﻚ ﺍﻟﻌﺐ ﺑﻴﻪ
ﻟﺤﺪ ﻣﺎ ﺑﺎﺑﺎ ﻳﻴﺠﻰ ..
ﺑﺴﺮﻋﺔ ﻗﻔﻞ ﺍﻟﺨﻂ ﻗﺒﻞ ﻣﺎ ﺍﺑﻨﻪ ﻳﺎﺧﺪ ﺑﺎﻟﻪ ..
ﺑﺲ ﻭﺍﻟﺨﻂ ﺑﻴﺘﻘﻔﻞ .....
ﻛﺎﻧﺖ ﺑﺘﺘﻔﺘﺢ ﻗﺪﺍﻣﻪ ..
ﺍﺑﻮﺍﺏ ﺍﺗﻘﻔﻠﺖ ﻭﻫﻮ ﻣﺶ ﻭﺍﺧﺪ ﺑﺎﻟﻪ ..
ﻭﻗﻌﺪ ﻳﻔﺘﻜﺮ ﻛﻼﻡ ﺁﺩﻡ ..
ﺯﻯ ﻣﺎ ﻳﻜﻮﻥ ﺷﺮﻳﻂ ﺳﻨﻴﻤﺎ ..
ﻭﻣﻊ ﻛﻞ ﻛﻠﻤﺔ ﺑﻴﻔﺘﻜﺮﻫﺎ ..
ﻛﺎﻧﺖ ﻣﺸﺎﻋﺮﻩ ﺑﺘﺘﻬﺰ ..
ﻭﺳﺆﺍﻝ ﻣﻦ ﻏﻴﺮ ﺍﺟﺎﺑﺔ
ﺇﺯﺍﻯ ﻋﺪّﻭﺍ 6 ﺳﻨﻴﻦ ﻣﻦ ﻋﻤﺮ ﺍﺑﻨﻪ..
ﻣﻦ ﻏﻴﺮ ﻣﺎ ﻳﻔﻜﺮ ﻳﺤﻀﻨﻪ ؟
ﺳﺎﻋﺘﻬﺎ ﺣﺲ ..
ﺍﻧﻪ ﻫﻮ ﺍﻟﻠﻰ ﻣﺤﺘﺎﺝ ﺣﻀﻦ ﺁﺩﻡ ..
ﻋﺪّﻯ ﻋﻠﻰ ﻣﺤﻞ ..
ﻭﺍﺷﺘﺮﻯ ﺷﻄﺮﻧﺞ ﺟﺪﻳﺪ ..
ﻭﺣﻄﻪ ﻓﻰ ﺷﻨﻄﺔ ﻫﺪﻳﺔ ..
ﻭﺭﺟﻊ ﺟﺮﻯ ﻋﻠﻰ ﺍﻟﺒﻴﺖ ..
ﻣﺎﻛﺎﻧﺶ ﻋﺎﺭﻑ ﻫﻴﻌﻤﻞ ﺍﻳﻪ ..
ﻭﻻ ﻫﻴﺒﺪﺃ ﺍﺯﺍﻯ ..
ﻛﻞ ﺍﻟﻠﻰ ﻛﺎﻥ ﻋﺎﺭﻓﻪ ..
ﺍﻧﻪ ﻻﺯﻡ ﻳﺒﺪﺃ ..
ﺳﺎﺏ ﻭﺭﻕ ﺍﻟﺸﻐﻞ ﻓﻰ ﺍﻟﻌﺮﺑﻴﺔ ..
ﻭﻣﺎ ﺍﺧﺪﺵ ﻓﻰ ﺍﻳﺪﻩ
ﻏﻴﺮ ﺷﻨﻄﺔ ﺍﻟﺸﻄﺮﻧﺞ ..
ﻭﻗﻒ ﺑﺎﻟﻬﺪﻳﺔ ﻋﻠﻰ ﺑﺎﺏ ﺍﻟﺸﻘﺔ ..
ﻭﺑﺪﻝ ﻣﺎ ﻳﻔﺘﺢ ﺑﺎﻟﻤﻔﺘﺎﺡ ..
ﺭﻥ ﺍﻟﺠﺮﺱ ..
ﻋﺸﺎﻥ ﻋﺎﺭﻑ ﺍﻥ ﺁﺩﻡ ﻫﻴﺠﺮﻯ ﻳﻔﺘﺢ ﺍﻟﺒﺎﺏ ..
ﻭﺍﻭﻝ ﻣﺎ ﺁﺩﻡ ﻓﺘﺢ ..
ﻟﻘﻰ ﺑﺎﺑﺎﻩ ﻭﺍﻗﻒ ﺷﺎﻳﻞ ﺍﻟﻬﺪﻳﺔ ..
ﻭﻟﻘﺎﻩ ﻭﺍﻗﻒ ﺑﻴﻀﺤﻚ ﺿﺤﻜﺔ ..
ﺍﻭﻝ ﻣﺮﺓ ﻳﺸﻮﻓﻬﺎ
ﻣﻴﻦ ﻳﺎ ﺁﺩﻡ ..
ﻗﺎﻝ ﻟﻬﺎ .. ﺩﺍ ﺑﺎﺑﺎ
ﻓﻀﻞ ﺁﺩﻡ ﻳﺒﺺ ﻟﻠﻬﺪﻳﺔ ..
ﺑﺲ ﻗﺎﻝ ﻓﻰ ﺳﺮﻩ ..
ﺍﻛﻴﺪ ﺩﻯ ﺣﺎﺟﺎﺕ ﺑﺎﺑﺎ ..
ﺑﺎﺑﺎﻩ ﺩﺧﻞ ..
ﻭﺁﺩﻡ ﻗﻔﻞ ﺍﻟﺒﺎﺏ
ﻭﻫﻮ ﻓﻰ ﻃﺮﻳﻘﻪ ﻷﻭﺿﺘﻪ ..
ﻛﺎﻥ ﺑﺎﺑﺎﻩ ﻟﺴﺔ ﻭﺍﻗﻒ ﻋﻠﻰ ﺍﻟﺒﺎﺏ ..
ﺳﻤﻊ ﺑﺎﺑﺎﻩ ﺑﻴﻘﻮﻝ ﻟﻪ .. ﺣﻀﻦ ﺁﺩﻡ ﻓﻴﻦ؟
ﺁﺩﻡ ﺍﺗﺴﻤﺮ ﻣﻜﺎﻧﻪ .. ﻭﺍﺑﺘﺪﺍ ﻳﻠﻒ ﺭﺍﺳﻪ
ﻛﺄﻧﻪ ﺑﻴﺘﺄﻛﺪ ﺍﻥ ﺍﻟﻠﻰ ﺳﻤﻌﻪ ﺻﺢ
ﻗﺎﻝ ﻟﻪ .. ﺑﺘﻘﻮﻝ ﺣﺎﺟﺔ ﻳﺎ ﺑﺎﺑﺎ ..
ﻗﺎﻝ ﻟﻪ .. ﺑﻘﻮﻟﻚ ..
ﺣﻀﻦ ﺁﺩﻡ ﻓﻴﻦ . ؟؟
ﺻﺮﺥ ﺁﺩﻡ ﻭﻫﻮ ﺑﻴﺘﺮﻣﻰ ﻓﻰ ﺣﻀﻦ ﺍﺑﻮﻩ ..
ﺣﻀﻦ ﺁﺩﻡ ﺍﻫﻮﻭﻭﻭﻭﻭﻭﻭﻭﻭ ..
ﺑﺎﺑﺎﻩ ﺭﻣﻰ ﺷﻨﻄﺔ ﺍﻟﻬﺪﻳﺔ ﻋﻠﻰ ﺍﻷﺭﺽ ..
ﻭﺣﻀﻦ ﺍﺑﻨﻪ ..
ﻓﻀﻞ ﻳﺒﻮﺱ ﻓﻰ ﻛﻞ ﺣﺘﺔ ﻓﻰ ﺍﺑﻨﻪ ﻭﻫﻮ
ﺷﺎﻳﻠﻪ ..
ﻭﻛﺄﻧﻪ ﺍﻭﻝ ﻣﺮﺓ ﻳﺸﻮﻓﻪ ..
ﺧﺮﺟﺖ ﻣﺮﺍﺗﻪ ﻣﻦ ﺍﻟﻤﻄﺒﺦ ..
ﺣﺎﻻً ﺍﻟﻐﺪﺍ ﻫﻴﻜﻮﻥ ﺟﺎﻫـــ ....
ﻭﻗﻔﺖ ﻣﻜﺎﻧﻬﺎ ﻭﻫﻰ ﺷﺎﻳﻔﺎﻩ ﺩﺍﺧﻞ ﺷﺎﻳﻞ ﺁﺩﻡ
..
ﻭﻛﺄﻥ ﺍﻻﺗﻨﻴﻦ ﻓﻰ ﺩﻧﻴﺎ ﺗﺎﻧﻴﺔ ﻣﺶ ﺣﺎﺳﻴﻦ
ﺑﺤﺎﺟﺔ ..
ﻓﻀﻞ ﺷﺎﻳﻠﻪ ﻟﺤﺪ ﻣﺎ ﻗﻌﺪ ﻭﻫﻮ ﻓﻰ ﺣﻀﻨﻪ ..
ﺷﺎﻭﺭ ﻟﻬﺎ ﺑﺎﻳﺪﻳﻪ ﺍﻧﻪ ﻣﺶ ﻫﻴﺘﻐﺪﻯ ﺩﻟﻮﻗﺘﻰ
..
ﻭﻓﻀﻞ ﺍﻟﻮﻗﺖ ﻳﻌﺪﻯ .. ﺁﺩﻡ ﻧﺎﻡ ..
ﻭﺷﻮﻳﺔ ﻛﻤﺎﻥ ﻫﻮ ﻧﻔﺴﻪ ﻧﺎﻡ ..
ﻭﻛﺄﻥ ﻣﺶ ﺁﺩﻡ ﺑﺲ
ﺍﻟﻠﻰ ﻛﺎﻥ ﺟﻌﺎﻥ ﻟﺤﻀﻦ ﺍﺑﻮﻩ ..
ﺻﺤﻰ ﺁﺩﻡ ..
ﻟﻘﻰ ﻧﻔﺴﻪ ﻓﻰ ﺣﻀﻦ ﺍﺑﻮﻩ
ﺑﺺ ﻻﺑﻮﻩ ﻭﻫﻮ ﻧﺎﻳﻢ ..
ﻭﺿﺤﻚ ﻭﻛﻤﺶ ﺟﺴﻤﻪ ..
ﻭﻛﻤﻞ ﻧﻮﻡ ..
ﺑﺲ ﻟﻤﺎ ﺻﺤﻴﻮﺍ ..
ﻛﺎﻥ ﻓﻴﻪ ﺣﻴﺎﺓ ﺟﺪﻳﺪﺓ ﻣﺴﺘﻨﻴﺎﻫﻢ
ﺧﻠﻮﺍ ﺑﺎﻟﻜﻢ ﻣﻦ ﺗﺼﺮﻓﺎﺗﻜﻢ ﻣﻊ ﻭﻻﺩﻛﻢ ..
ﻣﺎﺗﺨﻠﻮﻫﻤﺶ ﻳﺤﺴﻮﺍ ﺑﺎﻟﻐﻴﺮﺓ ﻣﻦ ﺑﻴﻮﺕ
ﺍﺻﺤﺎﺑﻬﻢ ..
ﺧﻠﻮﻫﻢ ﻳﻌﺮﻓﻮﺍ ﻳﻌﻨﻰ ﺍﻳﻪ ﺣﻀﻦ ﺑﺎﺑﺎ ﻭﻣﺎﻣﺎ
ﻷﻧﻬﻢ ﻟﻮ ﻣﺎ ﺷﺒﻌﻮﺵ ﻣﻦ ﺟﻮﺓ ﺍﻟﺒﻴﺖ
ﻫﻴﺪﻭّﺭﻭﺍ ﺍﻧﻬﻢ ﻳﺸﺒﻌﻮﺍ ﻣﻦ ﺑﺮﺓ ..
ﺑﺲ ﺍﻟﺸﺒﻊ ﺍﻟﻠﻰ ﻣﻦ ﺑﺮﺓ ..
ﺗﻤﻨﻪ ﻏﺎﻟﻰ ..
ﻭﺍﻧﺘﻮ ﺍﻟﻠﻰ ﻫﺘﺪﻓﻌﻮﺍ ﺍﻟﻔﺎﺗﻮﺭﺓ ..
ﻭﻋﻠﻰ ﻓﻜﺮﺓ .....
ﺍﻧﺘﻮ ﻛﻤﺎﻥ ﺟﻌﺎﻧﻴﻦ ﻟﺤﻀﻨﻬﻢ ..
ﺍﻧﺎ ﻭﺍﺛﻖ ﺍﻥ ﺁﺩﻡ ﻭﺍﺑﻮﻩ ..
ﻣﺶ ﻣﺠﺮﺩ ﻗﺼﺔ ..
ﺁﺩﻡ ﻣﻮﺟﻮﺩ ﻓﻰ ﺑﻴﻮﺕ ﻛﺘﻴﺮ ..
ﻭﻭﺍﺛﻖ ﻛﻤﺎﻥ ﺍﻥ ﻓﻴﻪ ﺍﺑﻬﺎﺕ ﻭﺍﻣﻬﺎﺕ ﻛﺘﻴﺮ
ﺟﻌﺎﻧﻴﻦ ﻟﺤﻀﻦ ﻭﻻﺩﻫﻢ ..
ﺍﺷﺒﻌﻮﺍ ﻣﻦ ﻭﻻﺩﻛﻢ ﻭﺷﺒّﻌﻮﻫﻢ ..
ﺩﺍ ﺷﺒﻊ ﺍﻟﺒﻴﻮﺕ ﺑﺒﻼﺵ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://3arbi-3arbia.yoo7.com
 
دقائق للطفل فى حضن ابيه وامه لا تقدر بكنوز الارض
الرجوع الى أعلى الصفحة 
صفحة 1 من اصل 1

صلاحيات هذا المنتدى:تستطيع الرد على المواضيع في هذا المنتدى
منتدى عربى وعربية :: مملكة حواء :: الام والطفل-
إرسال موضوع جديد   إرسال مساهمة في موضوعانتقل الى: